TTA akademik litseyida O‘zbekiston Respublikasi Konstitutsiyasining 27 yillik shodiyonasi munosabati bilan «Konstitutsiya yuksak O‘zbekistonning Qonuniy huquqiy poydevori» deb nomlangan tantanali tadbir bo‘lib o‘tdi.
Tadbir Ijtimoiy fanlar kafedrasi tomonidan N. Abdurahmonova boshchiligida o‘quvchi yoshlarning huquqiy savodxonligini oshirishga qaratilgan 101 hamda 104 guruhlarning bellashuvi ostida bo‘lib o‘tdi.
Bellashuv chin ma’noda bugungi ziyrak, shijoatkor, bilimdan yoshlarning qizg‘in munozarali bellashuvi ostida bugungi siyosiy jarayonlarga hamohang tarzda savol javoblar, badiiy chiqishlar, xalq orasidagi ijtimoiy so‘rovlar, sahna lavhalari ko‘rinishida yuksak saviyada bo‘lib o‘tdi.
Bugungi kun o‘quvchi yoshlarining huquqiy savodxonligi bilim darajasi, zamon bilan hamohang o‘y-fikrlari bellashuvni do‘stona g‘alaba bilan yakun topishiga sabab bo‘ldi.
Tadbir qatnashchilari TTA akademiyasi prorektori T.A.Babamurodovning faxriy yorlig‘i bilan taqdirlandilar. Mazkur tadbirga TTA huzuridagi pedagog kadrlarni qayta tayyorlash va ularning malakasini oshirish tarmoq markazi“Tibbiy biologiya” yo’nalishi tinglovchilari ham tashrif buyurishdi.Yig‘ilganlar Qomusimizning 27 yillik shodiyonasiga bag‘ishlangan o‘quvchi yoshlar tabrigini olqishlar bilan qarshi oldilar.
